უაზრო მიზნები

ერთ გლეხს ჰყავდა ძაღლი, რომელიც მუდამ ფერმის გზის ნაპირზე იდგა. ელოდებოდა მანქანებს და როდესაც ისინი გამოჩნდებოდნენ გამოეკიდებოდა და უყეფდა მათ.

ერთხელ გლეხს მისმა მეზობელმა ჰკითხა:

– როგორ ფიქრობ შენი ძაღლი რას აკეთებს? ცდილობს, რომ დაიჭიროს ავტომობილი, თუ მისი შეშინება უნდა?

– ეს დიდად არ მადარდებს- უპასუხა მას გლეხმა. ერთადერთი რაც ამ საკითხში ჩემს  გაბრაზებას იწვევს არის ის, რომ ჩემმმა ძაღლმა არ იცის რას იზამდა მაშინ, თუ  ამ ავტომობილს მართლა დაიჭერდა . . .

მიზნის მიღწევის ამბიციას შესაბამისი ძალა,ნიჭი და ცოდნა სჭირდება. და სამწუხაროა,რომ რეალურ ცხოვრებაშიც ძალიან ბევრი ადამიანი  ბაძავს ამ გლეხის ძაღლს  და მასსავით უაზრო მიზნებს ეკიდება . . .