კომპანია GAP ქალისა და მამაკაცის სამოსის ბაზრის ერთ-ერთი ლიდერი კომპანიაა. 1992 წლისათვის მას კონკურენეტებს შორის მეორე ადგილი ეკავა ამერიკის შეერთბეულ შტატებში, ხოლო უკვე 1994 წლისათვის 25-ე ადგილი დაიკავა ამერიკის 50 ყველაზე ცნობილ ბრენდს შორის. კონკურენციის მომძლავრების კვალობაზე GAP-მა წარმატებით შეცვალა მისი სტრატეგია და შეძლო შეენარჩუნებინა მისი საბაზრო წილი. 1995 წლის ბოლოსათვის კომპანიას 1500-მდე სავაჭრო წერტილი გააჩნდა, მისი ოთხი მთავარი მიმართულებისათვის: GAP, GAPKids, Banana Republic, Old Navy Clothing. GAP-ის საქმიანობის მე-5 მიმართლება -საერთაშორისო ხაზი 1995 წლის ბოლოსათვის, 164 მაღაზიით საქმიანობდა კანადაში, გაერთიანებულ სამეფოში, საფრანგეთში, გერმანიასა და იაპონიაში.
GAP-ის პირველი მაღაზია გაიხსნა 1969 წელს მისი დამფუძნებლის დონალდ ფიშერის მიერ. მან ეს გადაწვეტილება შემდეგი შემთხვევის გამო მიიღო: ერთ-ერთმა მაღაზიამ ვერ შეძლო მის მიერ ნაყიდი ლევისის ჯინსის გადაცვლა უფრო დიდ ზომაში. ამ ფაქტმა მას აფიქრებინა, რომ საჭირო იყო ისეთი მაღაზიის არსებობა, რომელიც მის მომხარებელს ყველა ზომის ჯინს შეთავაზებდა. მან თავისი პირველი მაღაზია სან ფრანფისკოში გახსნა. მაღაზიის შესახებ რეკლამა იუწყებოდა, რომ მათ „ოთხი ტონა“ ლევისი ქონდათ. მაღაზიამ მალე მოიპოვა პოპულარობა. ლევისის პროდუქცია მაღაზიის ძირთადი სავაჭრო საქონელი იყო, ხოლო მას შემდეგ რაც ლევისმა მის პროდუქციაზე ფიქსირებული ფასები დააწესა ფიშერმა 50 %-იანი მოგების მიღება შეძლო. ეს მდგომარეობა 1976 წელს შეიცვალა, როდესაც ფედერალურმა სავაჭრო კომისიამ მწარმოებლებს აუკრძალა საცალო ქსელში მათი პროდუქციის გასაყიდი ფასის დაწესება. ამ რეგულაციამ ლევისი პროდუქციის ფასის საკმაო ვარდნა გამოიწვია, რამაც ფიშერის მოგებაც მნიშვნელოვნად შეამცირა. ფიშერმა გადაწყვიტა სხვა მწარმოებლების პროდუქციაზეც ემუშვა და მისი კლინეტებისათვის შეეთვაზებინა არამარტო მასიური წარმოების ტანსაცმელი, არამედ ხელით ინდივიდუალურად შეკერილი, მაღალფასიანი პროდუქცია.
1983 წელს ფიშერმა კომპანიის საქმიანობის გაუმჯობესების მიზნით, GAP-ის პრეზიდენტად მილარდ დრექსლერი დანიშნა. კომპანიის ახალმა პრეზიდენტმა არსებული მარაგების ჩამოწერა მოახდინა და ყურადღება უფრო მარტივ, კლასიკურ სტილზე გადაიტანა, რომელიც მომხარებელს „კარგ სტილს, კარგ ხარისხს და კარგ ფასს“ სთავაზობდა. GAP-მა თავისი პროდუქციის დიზაინის შექმნა თავად დაიწყო. უკვე ამ პერიოდისათვის კომპანიას მჭირდო კავშირები გააჩნდა ტანსაცმლის უშუალო მწარმოებლებთან, რაც მას პროდუქციის მინიმალურ ფასებში მიღების საშუალებას აძლევდა. GAP-ის სტრატეგია მხოლოდ მაღალი ხარისხის ტანსაცმლის შეთავაზებას არ მოიცავდა. დრექსლერი დიდ ყურადღებას უთმობდა მაღაზიების ვიზუალურ მხარეს. მან მომხარებლებისათვის მაქსიმალურად კომფორტული მაღაზიების დიზაინი შექმნა. ასევე, მაღაზიის მენეჯერებს მიეცათ სპეციალური მითითებები, თუ რომელი სახისა და ბრენდის ტანსაცმელი რომელ თაროებზე უნდა განლაგებულიყო. ამ მიდგომით GAP-ის ყველა მაღაზიას ერთნაირი სტილი და მომსახურების ხარისხი ქონდა.
იგივე კონცეპციით შევიდა GAP-ი საბავშო ტანსაცმლის ბაზარზე. ამჯერად, ბაზარზე შესვლის იდეა დრლექსლერს მოუვიდა, როცა მან მისი ბავშვებისათვის შესაბამისი ზომის ტანსაცმელი ვერ იშოვა. მან შეხვედრა მოაწყო ყველა იმ თანამშრომელთან, რომლებასც ბავშვები ყავდათ და მათთნ ერთად განიხილა ის მოთხოვნები, რაც მათ როგორც მომხარებელებს ქონდათ. უმრავლესობის უკმაყოფილებამ საბაშვო ტანსაცმელის მრავალფეროვნებასა და ზომებთან დაკავშირებით დრლექსლერს საბოლოო გადაწყვეტილება მიაღებინა შექმნილიყო კომპანიის ახალი ხაზი – GAPKids. ახალი სავაჭრო ხაზი 1986 წელს გაიხსნა და უკვე პირველივე წელს მისმა სავაჭრო ბრუნვამ 2 მილიონი დოლარი შეადგინა.
დრლექსლერის მენეჯმენტის წარმატება კიდევ ერთხელ დადასტურდა კომპანიის დანაყოფ Banana Republic-თან დაკავშირებით. 1983 წელს GAP-მა შეისყიდა Banana Republic-ი, რომელიც შემდგომ “საფარი”-ს ტიპის ტანსაცმელის პოპულარული ბრენდი გახდა. ამ სახის ტანსაცმელი განსაკუთრებით პოპულარული გახდა, მას შემდეგ რაც ეკრანებზე გამოვიდა შემდეგი ფილმები: „დაკარგული კიდობნის ძებნაში“ და „რომანი ქვასთან“. 1987 წლისათვის Banana Republic-ის გაყიდვებმა 191 მილიონს მიაღწია. შემდგომ პერიოდში ამ სახის ტანსაცმლის პოპულარობა მნიშვნელოვნად შემცირდა, და შემოდგომ წლებში ბრუნვა 10 მილიონამდე დაეცა. ამ მიმართულების რებრენდინგი 90-იანი წლებისათვის დაიწყო და უკვე 1992 წელს 300 მილიონის მოგება მოიტანა.
მიუხედავად ახალი მიმართულებების წარმატებისა, GAP-ის ტრადიციული ხაზი 1990-იანი წლებისათვის ნაკლებმომგებიანი გახდა. ბაზრის ამ სეგმენტზე კონკურენციამ საგრძნობლად იმატა, განსაკუთრებით მას შემდეგ, რაც ბაზარზე GAP-ს ბევრი მიმბაძველი გამოუჩნდა. ამასთან, ზოგადად საცალო გაყიდვებში სავაჭრო ბრუნვამ იკლო.
GAP-მა კონკურენციის ახალ გამოწვევებს მისი პროდუქციის ნაკრების განახლებით უპასუხა. ასევე ცვლილება მოხდა სასაწყობე მარაგების მენეჯმენტში. ამ ცვლილებებმა GAP-ის მაღაზიებში პროდუქციის ცვლის უფრო მეტი სისწრაფე და ოპერატიულობა მოიტანა. ასევე, სასაწყობე ფართის გამოყენების ეფექტურობა 40 %-ით გაიზარდა. GAP მზარდ კონკურენციას ასევე გაყიდვების ახალი სისტემის შემოღებით უპასუხა. კომპნანიამ ნაკლებად მოსახერხებელი, მაგრამ იაფი პროდუქციის 30%-იანი ფასდაკლებით, სავაჭრო საწყობები შექმნა. ამ მიდგომით მან ფასისადმი უფრო მეტად მგრძნობიარე მომხარებლების მოზიდვაც შეძლო..
უკვე, 2005 წლისათვის GAP-მა ახალი ხაზი „Forth and Towne“-ი წარმოადგინა. ეს ხაზი საბავშვო ტანსაცმლის სეგმენტზე იყო გათვლილი და მისი საცალო გაყიდვის მაღაზიები მომხარებლებს სპეცილაურ კონკულტანტებს, კომფორტულად მწყობილ გასასინჯ ოთახებს და სხვა მრავალ სიახლეს სთავაზობდა. 2006 წელს GAP-მა უკვე ინტერნეტ ვაჭრობის სეგმნეტიც აამოქმედა. კომპანიის საიტი piperline.com მომხარებელს მხოლოდ ფეხსაცმლის 100 მეტი დასახელების ბრენდს სთავაზობდა, პროფესიონალ დიზაინერების რჩევებთან ერთად.
კომპანია GAP-ის ისტორია წარმატებული ბიზნესის ისტორიაა, რომელსაც სათავე პირადი პრობლემის გადაჭრისათვის ზრუნვით და საბაზრო შესაძლებლობით დანახვით დაიწყო…
სტატია მოამზადა: გიორგი ყუფარაძემ
