სტრესის სიმპტომები

თანამედროვე სამყაროში სტრესი ერთ-ერთ ყველაზე აქტუალურ პრობლემად იქცა. სტრესის მაღალ ფორმებს შეუძლიათ ადამიანი ფიზიკური, მენტალური, ემოციური მდგომარეობის მკვეთრად გაუარესებამდე მიიყვანონ. ხშირია შემთხვევები როდესაც ძლიერ სტრესი დეპრესიას, დაძაბულობას, ნაადრევ დაბერებას, გულის შეტევებს და ხშირად სიკვდილსაც კი იწვევს. ამიტომაც ძალიან მნიშვნელოვანია ვფლობდეთ მისი თავიდან აცილების გარკვეულ მექანიზმებს.

როგორც წესი, პრობლემის მოგვარების პირველი ნაბიჯი იმ რეალობის გაანალიზებაა, რომელშიაც ვიმყოფებით. აუცილებელია თვალი არ დავხუჭოთ იმ სიმპტომებზე, რომლებზეც ქვემოთ ვისაუბრებთ და ვეცადოთ ვებრძოლოთ მათ.

სტრესი ჩვენი სხეულის დამცავი საშუალებაა, ეს ჩვეულებრივი ფიზიოლოგიური პასუხია ნებისმიერ უკონტროლო და პრობლემურ მოვლენაზე, რომელიც გზაზე გვხვდება. თუმცა რაღაც კონკრეტულ ზღვარს მიღმა სტრესი წყვეტს ჩვენს სასარგებლოდ მუშაობას და ზიანს აყენებს ჩვენს ჯანმრთელობასა და სიცოცხლეს.

არსებობს სტრესის სხვადასხვა სიმპტომები და თუ ფლობთ ამ სიმპტომთა უმეტესობას, მაშინ ნათელია რომ საჭიროა მდგომარეობიდან გამოსავალი ეძებოთ.

კოგნიტური სიმპტომები წარმოადგენს სიმპტომთა ჯგუფს, რომლებიც კავშირშია ტვინის ეფექტურ მუშაობასთან. ეს სიმპტომები უშუალოდ ახდენენ გავლენას ჩვენს აზროვნებაზე, ყურადღების უნარზე, მეხსიერებაზე და პრობლემათა მოგვარების შესაძლებლობებზე. ყველაზე ხშირად აღმოჩენილ კოგნიტურ სიმპტომებს განეკუთვნებიან:

მეხსიერების პრობლემები;

გაფანტული ყურადღება, დაქვეითებული კონცენტრაციის უნარი;

აზროვნების პრობლემები;

უმიზეზო დაძაბულობა;

ემოციური სიმპტომები ასოცირებულნი არიან ადამიანის გრძნობებთან. სტრესის დროს შეიმჩნევა შემდეგი ემოციური სიმპტომები:

ხასიათის ხშირი ცვლილება;

გაღიზიანებულობა;

უმიზეზო აღელვება;

დეპრესია;

ასეთი სიმპტომები ფიზიკურ ტკივილსა და დისკომფორტში ვლინდება. სტრესით გამოწვეული ფიზიკური სიმპტომებიდან აღსანიშნავია:

ძლიერი თავის ტკივილი ან შაკიკი;

წელის ტკივილი;

ტკივილი გულმკერდის არეში;

ძილის რეჟიმის დარღვევა, უძილობა;