მას შეეძლო, არცთუ ისე ცუდი მხატვარი გამოსულიყო, ეხატა პეიზაჟები და ნატურმორტები, პურის ფული საფოსტო მარკებისა და ღია ბარათების შექმნით ეშოვა, რასაც ახალგაზრდობაში ახერხებდა კიდეც. მაგრამ ადოლფ ჰიტლერი ვენის ხელოვნების აკადემიაში არ მიიღეს, უფრო მეტიც, მისი ნამუშევრები (გარდა არქიტექტურულებისა) უინტერესოდ მიიჩნიეს. ჰიტლერს კი, არქიტექტორის კარიერა ნაკლებად აინტერესებდა.
ვინ იცის, როგორ წარიმართებოდა დიდი დიქტატორის ბედი, არქიტექტორი ან მხატვარი რომ გამხდარიყო, მაგრამ ისტორიის შეცვლა შეუძლებელია. ახლა კი, რამდენიმე ათეული წლის შემდეგ, შეგვიძლია ვათვალიეროთ ჰიტლერის შექმნილი ტილოები და განვცვიფრდეთ, ერთი კითხვა კი უდავოდ გვებადება: როგორ შეიძლება უამრავი ბოროტების ჩამდენი, ასეთი შესანიშნავი სურათების ავტორი იყოს…
ყვავილები, პეიზაჟები, ნატურმორტები… თუმცა მის შემოქმედებაში მთავარი მაინც შენობებია. ცნობილია, რომ მისი შექმნილი ღია ბარათები ტურისტებში მეტად პოპულარულია.
აი, ადამიანების ხატვა კი არ ეხერხებოდა, ან არ სურდა.
ყოველ შემთხვევაში, სწორედ უხარისხო პორტრეტები გახდა მიზეზი იმისა, რომ აკადემიაში ვერ ჩაირიცხა.
უკეთესი კი იქნებოდა, გამომცდელებს დამწყები მხატვარი შეემჩნიათ და პირველ კურზე მიეღოთ…
