ერთხელ კონფუცი მოწაფეებთან ერთად გზას მიუყვებოდა, როცა საფლავთან ქალი შენიშნა, რომელიც მწარედ ტიროდა. მან ქალს მწუხარების მიზეზი ჰკითხა.
– დიდი უბედურება შემემთხვა, – უპასუხა ქალმა,- ამ ადგილას ვეფხვმა მამამთილი დამიგლიჯა, შემდეგ ქმარი , ახლა კი შვილიც დამეღუპაო.
– კი მაგრამ, რატომ არ გადასახლდით ამ ადგილიდანო? – გაიკვირვა ბრძენკაცმა.
– აქაური მთავრობა, მკაცრი არაა და სამართლიანია ჩვენს მიმართო – უპასუხა ქალმა.
– ხომ ხედავთ, – მიუბრუნდა კონფუცი მოწაფეებს.
– დაიმახსოვრეთ: ცუდი მთავრობა კაციჭამია ვეფხვზე უარესიაო!